New Toll Policy: શુ નવી ટોલ સિસ્ટમ FASTagનું સ્થાન લેશે? કાર ચાલકોને કેવી સુવિધા મળશે, સરકારે આપી માહિતી

New Toll Policy : માર્ગ પરિવહન અને રાજમાર્ગ મંત્રાલય (MoRTH)એ શુક્રવાર એટલે કે 18 એપ્રિલના રોજ સ્પષ્ટતા કરી કે તેણે 1લી મે,2025થી દેશભરમાં સેટેલાઇટ-આધારિત ટોલ સિસ્ટમ લાગુ કરવાની કોઈ યોજનાને મંજૂરી આપી નથી. આ સ્પષ્ટતા ઘણા મીડિયા અહેવાલો પછી આવી છે કે નવી સિસ્ટમ મે મહિનાથી હાલની FASTag સિસ્ટમનું સ્થાન લેશે.

► (NHAI)દ્વારા આવા કોઈ ફેરફારને અંતિમ સ્વરૂપ અપાયું નથી!

મંત્રાલયે એક નિવેદનમાં જણાવ્યું હતું કે માર્ગ પરિવહન અને રાજમાર્ગ મંત્રાલય અથવા ભારતીય રાષ્ટ્રીય રાજમાર્ગ સત્તામંડળ (NHAI)દ્વારા આવા કોઈ ફેરફારને અંતિમ સ્વરૂપ આપવામાં આવ્યું નથી. તેના બદલે પસંદગીના ટોલ પ્લાઝા પર હાઇબ્રિડ 'ANPR-FASTag આધારિત બેરિયર-લેસ ટોલિંગ સિસ્ટમ' ધરાવતી પાયલોટ પહેલ શરૂ કરવામાં આવશે.

► એડવાન્સ ટોલિંગ સિસ્ટમ કેવી હશે?

એક નિવેદનમાં જણાવાયું છે કે, આ અદ્યતન ટોલિંગ સિસ્ટમ 'ઓટોમેટિક નંબર પ્લેટ રેકગ્નિશન'(ANPR) ટેકનોલોજીને જોડશે. તે વાહનોની નંબર પ્લેટ વાંચીને ઓળખ કરશે અને વર્તમાન 'FASTag સિસ્ટમ' કે જે ટોલ કાપવા માટે રેડિયો-ફ્રિકવન્સી આઇડેન્ટિફિકેશન (RFID)નો ઉપયોગ કરે છે. ટોલ બૂથ પર રોકાયા વગર વાહનો પાસેથી નંબર પ્લેટ ઓળખ અને ફાસ્ટેગ ઓળખના આધારે ટોલ વસૂલવામાં આવશે. નિયમોનું પાલન ન કરનારા વાહનોને ઇલેક્ટ્રોનિક નોટિસ ઈશ્યુ કરવામાં આવશે અને ચુકવણી ન કરવાના કિસ્સામાં વાહન પોર્ટલ હેઠળ ફાસ્ટેગ સસ્પેન્ડ કરી શકાય છે અથવા દંડ લાદવામાં આવી શકે છે. NHAIએ પસંદગીના સ્થળોએ સિસ્ટમ ઇન્સ્ટોલ કરવા માટે બિડ મંગાવી છે. મંત્રાલયે જણાવ્યું હતું કે તેને મોટા પાયે લાગુ કરવાનો નિર્ણય સિસ્ટમના પ્રદર્શન, વપરાશકર્તા અનુભવ અને કાર્યકારી કાર્યક્ષમતા પર આધારિત રહેશે.

Home Page- gujju news channel - Latest Gujarati News, તાજા ગુજરાતી સમાચાર, Latest Gujarati News LIVE, Online Gujarati News, Gujarati news headlines today, Gujarati News Channel